கோவையில் ஊரடங்கு நேரத்தில் தெரு நாய்களுக்கு உணவு அளிக்கும் உன்னத பெண்

 Courtesy : .patrikai  Friday, May 15, 2020  07:13 AM   No Comments

கோவை நகரில் 25 வயதான மேகா ஜோஸ் என்னும் பெண் ஊரடங்கு காரணமாக உணவின்றி வாடும் 1500 தெரு நாய்களுக்கு உணவு அளித்து வருகிறார்.

நாடெங்கும் ஊரடங்கு அறிவிக்கப்பட்டதால் அனைத்து உணவகங்களும் மூடப்பட்டுள்ளன. பலரும் தெருக்களில் நடப்பது கூட கிடையாது. இதனால் ஆதரவற்ற தெரு நாய்கள் உணவு இன்றி பட்டினியால் துயரடைந்து வருகின்றன. முன்பு உணவு விடுதிகளில் மிஞ்சும் உணவுகள் மற்றும் தெருக்களில் செல்வோர் ஆகியோர் உணவு வழங்கி வந்த நிலையில் தற்போது அது அடியோடு ந்ன்று போனது. இந்த நிலை கோவையைச் சேர்ந்த 25 வயது பெண்ணான மேகா ஜோஸ் என்பவரின் மனதை உருக்கியது.



சிஸ்கோவில் பணி புரிந்து வந்த மேகா பணியில் இருந்து விலகி கோவையில் தனது குடும்ப தொழிற்சாலையைக் கவனிக்கக் கோவைக்கு வந்தார். அவர் இங்கு பாசம் பூப்பிள் பிரஜாக்ட் என்னும் விலங்கு ஆர்வல அமைப்பை நடத்தி வருகிறார். இந்த அமைப்பு தெரு நாய்களுக்குக் கருத்தடை சிகிச்சை செய்து அவற்றை உதவி நாய்களாக மாறும் பணியை செய்து வருகிறது. கடந்த 2019 ஆம் வருடம் செப்டம்பர் மாதம் தொடங்கப்பட்ட இந்த அமைப்பால் தெரு நாய்கள் எண்ணிக்கை வெகுவாக குறைந்துள்ளது.

மேகா, “முதலில் தெரு நாய்களுக்கு உணவு அளிப்பது குறித்து நாங்கள் திட்டமிடவில்லை. ஆனால் மார்ச் மாத இறுதியில் கொரோனாவால் ஊரடங்கு அறிவிக்கப்பட்ட போது பல தெரு நாய்கள் பட்டினியால் துயருற்றன. ஒரு பூனை உணவின்றி மரணம் அடைந்தது. இதனால் எங்கள் அமைப்பின் மூலம் தெரு நாய்களுக்கு உணவளிக்கத் தீர்மானித்தேன்.



Similar Post You May Like




Please login/signup then give your valuable answers


Click here to Login / Signup
Subscribe to our Youtube Channel

Web Right
Web Right
web right