வெங்காய லாரிக்குள் சரக்கு பாட்டில்கள் கடத்தல் - கர்நாடகாவில் இருந்து வந்த லாரி சூலூர் அருகே பிடிபட்டது

 Tamil.samayam.com  Thursday, June 10, 2021  05:12 PM   No Comments

கோவை சூலூர் சுல்தான்பேட்டை பகுதியில் சந்தேகத்துக்கிடமான முறையில் லாரி ஒன்று நின்றுகொண்டிருந்தது. இதையடுத்து அங்கு வந்த போலீசார் லாரியில் என்ன இருப்பது என விசாரணை நடத்தப்பட்டது. சோதனையில் ரூ 80 ஆயிரம் மதிப்புள்ள கர்நாடக மாநில மதுபான பாட்டில்கள் அதிலிருந்தது கண்டுபிடிக்கப்பட்டது.

கோவை சூலூர் சுல்தான்பேட்டை அருகே இருக்கும் இடையர்பாளையம் பகுதியில் ஏராளமான வடமாநிலத்தவர்கள் வசித்து வருகின்றனர். இவர்களுக்கு இங்குச் சட்டவிரோதமாக மதுபானங்கள் விற்கப்படுவதாகப் புகார் எழுந்தது. இதையடுத்து வடமாநிலத்தவர் வசிக்கும் பகுதி அருகே மர்மமான முறையில் வெங்காய லோடு லாரி நிற்பதாக போலீசாருக்கு தகவல் கிடைத்தது.



தகவலையடுத்து போலீசார் அப்பகுதிக்குள் நுழைந்தபோது குறிப்பிட்ட லாரியின் ஓட்டுநர் தப்பி ஓடினார். இதைத்தொடர்ந்து போலீசார் லாரியை சோதனை செய்ததில் பெரிய வெங்காயம், பூண்டு மூட்டைக்கு இடையில் ரூபாய் 80 ஆயிரம் மதிப்புள்ள கர்நாடகா மாநில மது பாட்டில்கள் விற்பனைக்காக பதுக்கி வைத்திருந்தது தெரியவந்தது.

கோவை வரலாற்றில் நீங்கா இடம் பிடித்த ஆட்சியர் நாகராஜன்: 30 நாளில் மாபெரும் சாதனை!

அதிர்ந்துபோன போலீசார் மது பாட்டில்களைப் பறிமுதல் செய்தனர். அதேபோல் குறிப்பிட்ட வெங்காய லாரி ஓட்டுநர் குறித்து போலீசார் விசாரணை நடத்தினர். அதில் ஓட்டுநர் சேலம் சங்ககிரி பகுதியைச் சேர்ந்த சங்கர் என்பதும் கர்நாடக மாநிலத்திலிருந்து மது பானங்களைக் கடத்தி வந்ததும் தெரியவந்தது. தப்பியோடிய லாரி ஓட்டுநர் சங்கரை போலீசார் தீவிரமாகத் தேடி வருகின்றனர்.



Similar Post You May Like




Please login/signup then give your valuable answers


Click here to Login / Signup
Subscribe to our Youtube Channel