கோயம்புத்தூரின் அழகிய சுற்றுலாத் தளங்கள்

 Saturday, January 8, 2022  06:56 AM   No Comments

கோயம்புத்தூரில் சுற்றுலாவுக்கு என்று பெயர் பெற்று விளங்கும் அழகிய சுற்றுலாத் தளங்களை இந்த பதிவில் காண்போம்

கோவை என்றவுடன் அந்த ஊர் மக்களின் மரியாதையான பேச்சுடன் நம் மனம் முழுக்க மகிழ்ச்சி பொங்கி வடியும், கோயம்புத்தூரின் குற்றாலம் போலவே.. பெரும்பாலும் ஊட்டி, குன்னூர் சுற்றுலாவுக்காக தமிழகம் வருபவர்கள் கோவையில் சுற்ற வேண்டிய இடங்களை தெரிந்து கொள்வதே இல்லை.

கோவையின் சுற்றுலாத் தளங்கள் பெரும்பாலும் மக்களுக்கு அறிமுகம் இல்லாதவையாக இருக்கின்றன. கோயம்புத்தூருக்கு சுற்றுலா வருபவர்கள் இங்குள்ள 26 இடங்களுக்கும் சென்று வரவேண்டும். அப்போதுதான் கோவையின் சுற்றுலா நிறைவு பெறும். சரி அப்படி என்ன வெல்லாம் இருக்கிறது கோவையில் சுற்றி பார்க்க என்பதை தெரிந்து கொள்வோம் வாருங்கள்.

கோவை கொண்டாட்டம்

இரண்டில் இருந்து மூன்று மணி நேரம் வரையில் இந்த இடத்தில் நீங்கள் சுற்றலாம்

பேரூரிலிருந்து 2 கிமீ தூரத்தில் அமைந்துள்ளது இந்த இடம். குழந்தைகளுக்கு மிகவும் பிடித்த இடம் இதுவாகும்

உங்கள் பொழுது போக்கை மிகவும் சுவாரசியமாகவும் மகிழ்ச்சியுடன் கடத்தும் இந்த இடம் கோவை கொண்டாட்டம் கோடைக் காலங்களில் அதிக அளவு சுற்றுலாப் பயணிகளை வரவேற்கிறது. மற்ற நேரங்களிலும் பரவலாக மக்கள் சுற்றுவதற்கு இந்த இடத்தை தேர்வு செய்கின்றனர்.
மருதமலை கோவில்

மருதமலை மலைக் கோவில்

காலை 6 மணி முதல் இரவு 8.30 மணி வரை திறந்திருக்கும் இந்த கோவிலுக்கு மக்கள் விடுமுறை தினங்களில் அதிக அளவில் வருகை தருகின்றனர். மற்ற நாட்களில் சராசரியாக வருகை தரும் பக்தர்கள் இந்த கோவிலில் முருகப் பெருமானை தரிசித்து செல்கின்றனர்.

கோயம்புத்தூர் நகரிலிருந்து சுமார் 15 கிமீ தூரத்தில் அமைந்துள்ளது இந்த இடம்.

மலை அடி வாரத்திலிருந்து மேல் இரண்டு முதல் மூன்று பேருந்துகள் இயக்கப்படுகின்றன. கூட்டத்தைப் பொறுத்து இது மாறுபடலாம். இங்கு மூலிகைகள் பல இருப்பதாக நம்பப் படுகிறது.

பேரூர் பட்டீஸ் வரர் கோவில்

கோயம்புத்தூர் நகரில் அமைந்துள்ள அதிக அளவில் பக்தர்கள் சென்று வரும் சிவன் கோவில் இது ஆகும். இலவசமாகவும் சிறப்பு தரிசனத்துக்கு 20 ரூ கட்டணமாகவும் வசூலிக்கப் படுகிறது. காலை 5 மணி முதல் மதியம் 1 மணி வரையிலும் மாலை 4 மணியிலிருந்து இரவு 9 மணி வரையிலும் இந்த கோவில் நடை திறந்துள்ளது.

வைதேகி நீர்வீழ்ச்சி

கோயம்புத்தூர் நகரில் இருந்து கிட்டத் தட்ட 35 கிமீ தூரத்தில் அமைந்துள்ளது இந்த நீர்வீழ்ச்சி. இங்கு செல்ல சிறப்பு அனுமதி வேண்டும் என்று கூறப்படுகிறது. ஆனாலும் சிலர் இந்த இடத்துக்கு அனுமதி இன்றி சென்று வருகின்றனர். வைதேகி நீர் வீழ்ச்சி இங்குள்ள அருவிகளில் முக்கியமானதாகும். இங்கு கோடைக் காலங்களில் அதிக சுற்றுலா பயணிகளை காண முடியும்.

வெள்ளயங்கிரி மலை

தரையிலிருந்து கிட்டத்தட்ட 6000 அடி உயரத்தில் அமைந்துள்ளது இந்த வெள்ளயங்கிரி மலைக் கோவில். இந்த கோவிலுக்கு செல் வதற்காகவே இந்த மலையில் ஏறி செல்கின்றனர் பக்தர்கள். சாகச விரும்பிகளும் இந்த மலை ஏற்றத் தை மிகவும் விரும்புகின்றனர். ஒரு இரவில் ஏறி விட முடியும்,. பகல் நேரத்தில் அதிக அளவு வெப்பத்தால் ஏறுவது மிகக் கடினமாகும். இரவு நேரத்தில் கடும் குளிரும் இருக்கிறது. எனவே தகுந்த பொருள்களோடு செல்வது சிறந்தது.

வெள்ளயங்கிரி சிவன் கோவில்

வெள்ளயங்கிரி சிவன் கோவில் அருகாமையில் இருக்கும் பெரும்பாலான சிவ பக்தர்களுக்கு மிகவும் பிடித்த இடமாகும்.

நண்பர்கள் பலர் திட்டமிட்டு இந்த கோவிலுக்கு மலை ஏறிச் செல்கிறார்கள். பொதுவாக முருகன் கோவில் இந்த மாதிரி மலைகளில் அமைந்திருக்கும். மலையில் அமைந்துள்ள சிவன் கோவிலில் இது முக்கியமானதாகும்.


கோவை குற்றாலம் நீர் வீழ்ச்சி

கோயம்புத்தூரின் சுற்றுலா விரும்பிகள் கோடை காலங்களில் உடனடியே செல்லும் வகையிலேயே இந்த கோவைக் குற்றாலம் அமைந்துள்ளது. சிறுவாணி நதியில் அமைந்துள்ள இந்த குற்றாலம் சிறுவர்களுக்கு மிகவும் பிடித்த இடமாகும். கோவையின் பெற்றோர்கள் குழந்தைகளை இந்த இடத்துக்கு கூட்டிச் செல்லவே விரும்புகின்றனர்.



சிறுவாணி நீர்வீழ்ச்சி

கோவை நகரத்திலிருந்து கிட்டத் தட்ட 37 கிமீ தூரத்தில் அமைந்துள்ளது இந்த நீர்வீழ்ச்சி. சிறுவாணி தண்ணீர் இனிக்கும் என்ற வாக்கில் இருந்து இந்த நீர் வீழ்ச்சியின் தண்ணீரின் சுவையை பற்றி அறியலாம்.

சிறுவாணி அணைக் கட்டு

சிறுவாணி நதியின் குறுக்கே கட்டப் பட்டுள்ள அணை நீர் மின் சாரத்துக்கு பயன் படுகிறது. அதிலிருந்து வெளியேறும் நீர் பாசனத்துக்காகவும் பயன் படுத்தப் படுகிறது.

அய்யப்பன் கோவில்

கோவை நகரத்திலிருந்து 5 கிமீ தொலைவில் அமைந்துள்ள இந்த கோவில் கேரளாவில் இருக்கும் சபரி மலைக்கு நிகரான கோவில் என்று பக்தர்களால் நம்பப் படுகிறது. சபரி மலை அய்யப்பன் கோவிலில் கடை பிடிக்கப்படும் அனைத்து சம்பிரதாயங்களும் இங்கும் கடை பிடிக்கப்படுகிறது.
முருகன், விநாயகர், மகா விஷ்ணு, துர்கா உள்ளிட்ட கடவுளர்களும் இங்கே வீற்றியிருக்கின்றனர்.

அனுபவி சுப்பிர மணியர் கோவில்

கோவை நகரிலிருந்து 27 கிமீ தூரத்தில் இந்த இடம் அமைந்துள்ளது. இங்குதான் அனுபவி சுப்பிர மணியர் கோவில் அமைந்துள்ளது. உள்ளூர் மக்கள் பெரும்பாலும் வருகை தருகின்றனர். விவரம் அறிந்த சுற்றுலாப் பயணிகளும் இங்கு வருகை தருவதை வழக்கமாக கொண்டுள்ளனர்.
கோவை மலைகள்

குரங்கு நீர் வீழ்ச்சி

மங்கி பால்ஸ் என ஆங்கிலத்தில் அழைக்கப் படும் இந்த நீர்வீழ்ச்சிதான் தமிழில் குரங்கு நீர் வீழ்ச்சியாக அழைக்கப் படுகிறது.

கோவை நகரில் இருந்து 65 கிமீ தூரத்தில் அமைந்துள்ள இந்த நீர் வீழ்ச்சிக்கு கோவை மக்களுடன் வெளியூர் சுற்றுலாப் பயணிகளும் வருகை தருகின்றனர். கேரள மாநிலத்தில் இருந்தும் பல சுற்றுலா பயணிகள் குரங்கு அருவிக்கு வருகை தருகின்றனர்,

கோவையில் டிரெக்கிங் செல்ல சிறந்த இடமாக மங்கி பால்ஸ் உள்ளது.

கோவையில் இன்னும் பல இடங்கள் நாம் காணவேண்டியவை. அவை,

ஈஷா யோகா நிலையம்
ஈச்ச நாரி விநாயகர் கோவில்
ஆதி யோகி சிலை
புரூக் பீல்டு மால்
கீடி கார் அருங்காட்சியகம்
மாசாணி அம்மன் கோவில்
புலிய குளம் விநாயகர் கோவில்
பிளாக் தண்டர்
நாக சாய் கோவில்
ராமர் கோவில்
வ உ சி பூங்கா
வ உ சி உயிரியல் சரணாலயம்
அரசு தாவர வியல் பூங்கா
ஆழியார் அணை

நீலகிரி பல் உயிர் காடுகள்
நேரு பூங்கா
காடுகள் அருங்காட்சியகம்



Similar Post You May Like




Please login/signup then give your valuable answers


Click here to Login / Signup
Subscribe to our Youtube Channel