வீட்ல கொஞ்சம் இடம் இருந்தா போதும் காய்கறி தோட்டமே போடலாம்..

 Wednesday, January 12, 2022  12:03 PM   No Comments

பூச்சி மருந்து அடித்த காய்கறிகளையும், இராசயனம் கலந்த கீரைகளையும் இன்னும் எத்தனை நாளுக்குத்தான் சாப்பி டுவது.புலம்பும் இல்லத்தரசிகள் சற்று யோசித்தால் வீட்டிலேயே ஆர்கானிக் தோட்டம் அமைத்துவிடலாம். தற்போது எல் லோரும் ஆர்கானிக் பொருள்களுக்கு முக்கியத்துவம் கொடுத்துவருகிறார்கள். அரை ஏக்கர் நிலமிருந்தால் தான் காய்கறி பயிரிட முடியும் என்றில்லை. அதே போன்று வீட்டில் தோட்டம் வைக்கமுடியவில்லையே என்ற கவலை பல இல்லத்தரசிக ளுக்கும் உண்டு. கொஞ்சம் இடம் இருந்தால் போதும் மொட்டை மாடிகள் முழுவதும் செடிகளை வைத்து நிரப்பிவிடலாம் என்கிறார்கள் தோட்டக்கலை நிபுணர்கள். மாடி தோட்டம் வைக்க வேண்டும் என்று நினைப்பவர்கள் என்னெல்லாம் செய்ய வேண்டும் என்பது குறித்து இந்த கட்டுரையில் தெரிந்துகொள்வோம்.

​மாடி தோட்டம்

இது ஒன்றும் புதுமையானதோ இது வரை பார்க்காததோ அல்ல. இன்று இல்லத்தரசிகள் பலரும் இருக்கும் இடத்தில் சிறிது இடம் கிடைத்தாலும் அதை ஒதுக்கி அழகிய தோட்ட மாக்கி விடுகிறார்கள்.

கிராமமாக இருந்தாலும் நகரமாக இருந்தாலும் இன்று நீங்களே உங்கள் வீட்டுக்கு தேவையான காய்கறியை பயிரிடலாம். அதுவும் சுலபமாக. அடுக்கு மாடி குடியிருப்புகள் நிறைந்த நகரத்திலும் கூட இது சாத்தியமே என்று சொல்லலாம். மழை வளமும் மண் வளமும் இருந்தால் தான் தோட்டமும் சாத்தியமாகும் என்று நினைப்பவர்கள் வீட்டு மாடியில் அல்லது சற்று பரந்திருக்கும் பால்கனியிலும் இதை வெற்றிகரமாக சாத்தியமாக்கலாம். எப்படி என்பது குறித்து பார்க்கலாமா?
​இந்த இடம் போதும்

மொட்டை மாடி 100 சதுர அளாவ் இருந்தால் போதுமானது. நடுவில் பாதைக்கு 10 அடி விட் டுவைத்தாலும் கிடைக்கும் 90 சதுரடியில் பயிரிடலாம். தோட்டம் அமைக்க வேண்டும் என்று முடிவு செய்துவிட்டாலே முதலில் மாடியில் தண்ணீர் ஓட்டம் எந்த பக்கம் போகிறது என்று பார்க்க வேண்டும். அதற்கு அப்படியே எதிர்புறமாக தோட்டம் போட வேண்டும்.

தோட்டம் அமைக்கும் இடத்தில் அரை அடி உயரத்துக்கு கார்டன் தரை உயர்த்தி இருக்க தடுப்புச்சுவர் அமையுங்கள். இதில் நீர் வடிய துவாரங்கள் அமைக்கும்படி கட்டுங்கள். பிறகு அதன் மீது ஜியோ டெக்ஸ்டைல் மேட் உடன் வெயிட் மண் கலந்து போடலாம். இத னால் செடிகளுக்கு தேவையான மண்ணின் அளவு பாதியாக குறையும். பிறகு புல்தரை அமைத்து ஆங்காங்கே தொட்டிகள் வைக்கலாம். ஆனால் அடுக்கு மாடி குடியிருப்பில் வாடகை வீட்டில் இதை அனுமதிப்பார்களா என்பவர்கள் வேறு வழியை பின்பற்றுங்கள்.

​எளிதான வழி இது

மாடி தோட்டங்கள் அமைக்கும் வாடகை குடியிருப்புக்காரர்கள் வீட்டை காலி செய்யும் போதும் அதை எளிதாக எடுத்து செல்லும் வகையில் அமைக்க திட்டமிடுங்கள். அதிஅக் எடை கொண்ட தொட்டியையோ சிமெண்ட் தொட்டிகளையோ பயன்படுத்த வேண்டாம். சொந்த வீடுகள் வைத்திருப்பவர்கள் கூட இதை பயன்படுத்தாமல் க்ரோ பேக் என்று சொல்லகூடியவற்றில் செடிகள் வைக்கலாம்.




இதில் மண்ணுக்கு பலம் சேர்க்க எரு மண்புழு உரத்தை பயன்படுத்தி கொள்ளலாம். இத னோடு தென்னை நார்க்கழிவுகள் கிடைக்கும். இதை பயன்படுத்தும் போது செடிகளுக்கு தேவையான தண்ணீரின் அளவு மிச்சமாகும். அளவுக்கு அதிகமான மழையோ வெயிலோ நேரிடையா செடிகளை பாதிக்காமல் இருக்க மாடியில் க்ரீன்ஹவுஸ் செட் மட்டும் போட்டு கொள்ளலாம்.

​என்னென்ன காய்கறிகள் பயிரிடலாம்

நிலம் இல்லை என்பதால் பருவம் பார்த்து பயிர்செய்ய வேண்டியதில்லை. சுழற்சி முறை யில் கத்தரி,வெண்டை, தக்காளி, பீர்க்கங்காய், புடலங்காய் என்று விளைவிக்கலாம். நாத்துகளாக கிடைக்கும் தக்காளி, மிளகாய் கத்தரியை விளைவித்து அதிலிருந்தெ மீண்டும் தேவையான விதைகளை இதிலிருந்தே எடுத்துகொள்ளலாம்.


கோடைக்காலத்தில் இந்த காய்கறிகளையும், மழைக்காலமாக இருந்தால் அவரைக்காய், கொத்தவரங்காய் போன்ற செடிகளையும், குளிர்காலத்தில் முள்ளங்கி, காலிஃப்ளவர், முட்டைகோஸ் போன்ற செடிகளையும் வளர்க்கலாம். கீரை வகைகள் அனைத்தும் வளர்க்கலாம். இவை தவிர கொத்துமல்லி, புதினா போன்றவற்றையும் வீட்டிலேயே வளர்த்து பயன்படுத்தலாம்.


ஆரம்பத்தில் காய்கறிகளை முறையாக பராமரித்து வந்தாலே அதைத் தொடர்ந்து தொட் டியில் வளர்க்க கூடிய பழவகைகளையும் அறிந்து தோட்டக்கலை நிபுணர்களோடு ஆலோசித்து அதையும் வளர்க்கலாம்.

​செடிகள் பராமரிக்க

தண்ணீர் பற்றாக்குறையும் பிரச்சனையும் இருக்கும் இடத்தில் செடிகளுக்கு தண்ணீர் பாய்ச்ச வேண்டுமே என்னும் கவலை வேண்டாம். வீட்டில் காய்கறிகள், அரிசி, கீரை அல சும் நீரே அத்தனை செடிகளுக்கும் போதுமானது. அதிகப்படியான நீரை உடனடியாக மண் உறிஞ்சுகொள்ளாது என்பதால் பூவாளிகளில் நீரை நிரப்பி செடிக்கு விடுவது நல் லது. இதனால் அதிகம் நீர் பட்டு செடியின் வேர் அழுகாது.



Similar Post You May Like




Please login/signup then give your valuable answers


Click here to Login / Signup
Subscribe to our Youtube Channel